Дөрвөлжин суманд иргэний танхимын ажлын хэсгийг 2017 оны 04 дүгээр сард ИТХ-ын захирамжаар шинээр томилон ажиллуулснаас хойш  ажлын төлөвлөгөө гарган мөрдүүлж, 2017 онд  Иргэний танхимаар хэлэлцүүлэх ажлын чиглэлийн хүрээнд  ЗДТГ-ын мэрэгжилтэнүүд, багийн ИНХ-ын дарга, ЗДТГ-ын мэрэгжилтэнүүдтэй хамтран иргэний танхимд 8 хэлэлцүүлэг, хөдөө багуудаар 3 хэлэлцүүлэг зохион явууллаа.

            1. Дөрвөлжин суманд үйл ажиллагаа явуулж буй дэлгүүр, аж ахуйн нэгжүүдтэй  уулзан дэлгүүрүүдийн талаар, архины худалдааны талаар  Бизнес эрхлэгчдийн хэлэлцүүлэг явуулан, гарсан саналыг сумын ИТХ-ын хуралдаан, Аймгийн ИТХ, Засаг даргад уламжлан ажиллалаа. Нийт 32 иргэнээс санал асуулга авч нэгтгэн хүргүүлсэн.

            2. Иргэдийн өмнө тулгамдаж буй, хэлэлцүүлэх шаардлагатай асуудлуудыг саналын хуудсаар иргэдээс санал авахад хамрагдсан  иргэдийн 80 гаруй хувь нь Баян-Айраг ХХК-ны ажил, амралтын цаг , хооллолт, тоосжилтын талаар хэлэлцэх шаардлагатай гэсэн санал ирүүлсэний дагуу хэлэлцүүлэг зохион байгуулан 40 гаруй иргэн ажиллагсад оролцож, ИТХ-ын төлөөлөгчид, ЗДТГ-ын мэргэжилтэнүүдийн бүрэлдэхүүнтэйгээр тус компани дээр 2018 оны 04 сарын 07 ны өдөр ажиллан гарсан шийдвэрээр ИТХ-аас 03 тоот, хүргүүлэн иргэдийн өмнө тулгамдсан асуудлыг шийдвэрлүүлэн ажиллалаа. Баян-Айрагт ажиллаж буй иргэдээс сануулах арга хэмжээ авалгүйгээр ажлаас шууд халах явдал гарч байгаад анхаарч өгөөч гэсэн гомдолууд ирж саналыг уламжлан ажилласан.

            3.ИТХ-ын Тэргүүлэгчдийн хуралдааны дэгийг батлан мөрдүүлсэн.Сумын “Өвөлжөө, хаваржааны бэлчээрийг ашиглах, хамгаалах талаар дагаж мөрдөх журам” – г Тэргүүлэгчдийн хурлаар батлан мал тооллогын ажлын хэсэг, багийн Засаг дарга нарт даалган  малчидад сурталчиллаа. Буурал багийн 62, Тавантолгой багийн 73, Цогт багийн 43, Онц багийн 43 нийт 221 өрхөд сурталчиллаа. Журмын хэрэгжилтийн талаар хэлэлцүүлэг зохион явууллаа.

            4. Татварын улсын байцаагч     М.Галсайханы ажил үүргийн   хуваарийн  дагуу татварын орлогын   төлөвлөгөөний талаар, орлого бүрдүүлэлтийн талаар мөн байгалийн нөөц ашиглах төлбөрийн тухай хуулийн хэрэгжилтийг хэлэлцэж:

     Байгалийн ургамлын нөөц ашигласны төлбөрийн орлогын 30%

     Ус рашааны нөөц ашигласны төлбөрийн орлогын  55%

     Ойн нөөц ашигласны төлбөрийн орлогын  85 %

     Ан амьтны нөөц ашигласны төлбөрийн орлогын  50%

      Газрын нөөц ашигласны төлбөрийн орлогын  30 %-аар тус тус тооцон байгаль орчныг хамгаалах , байгаль орчныг нөхөн сэргээх арга хэмжээнд тухайн төсвийн жил бүр зарцуулна гэж заасны дагуу татварын тодорхой хувийг байгаль орчныг хамгаалах ажилд зарцуулах хуулийн хэрэгжилтийг хангаж ажиллахыг даалгалаа.

            5. Хэлэлцүүлэгээр  ИТХ, Засаг даргаас сумын төвийн тоосжилтын асуудалд анхаарахыг чухалчлан иргэд хэлэлцүүлэг өрнүүлж,  ИТХ, Засаг даргаас албан тоот хүргүүлсэн. Сард нэг удаа хэмжилт хийх тоосжилтын аппаратыг   сумын төвд   5 цэгт  байрлуулж тоосны хэмжилтээр тус суманд тоос ихтэй байгаа дүгнэлт гарсан.

       6. Газрын харилцааны дүйцүүлэх хамгаалалтын талаар хэлэлцүүлэг хийж 28 иргэн оролцсон. Сумын хөгжлийн ерөнхий төлөвлөгөөтэй болох талаар ихэнх иргэдээс санал гарч , төлөвлөлтийн эхний ажлууд хийгдсэн.

        7. Хэсгийн төлөөлөгч Л.Мөнхбат, Тавантолгой багийн Засаг дарга М.Жигдбаяр нартай  хамтран  “Архигүй нийгмийн төлөө”  сургалт явуулж хэлэлцүүлэг хийсэн. Эмэгтэйчүүдийн баяраар 126 эмэгтэйд мөн сургуулийн дунд, ахлах ангийн 100 гаруй          сурагчдад “Ээжийгээ хайрлах тухай” видео сургалт явуулж, хэлэлцүүлэг өрнүүлэн ажиллалаа.

        8. Хэлэлцүүлэг хийх журмыг баталлаа

              Мэдээлэлээ сонсох 10-15 минут

             Засаг даргын мэдээлэл 5 минут

             Тэмдэглэл хөтлөнө

              Хэлэлцүүлэгт  оролцогсод бие биенээ  хүндэтгэнэ

              Тухайн сэдвийн дор саналаа чөлөөтэй илэрхийлнэ

        Саналыг давхардуулан тавихгүй

               Хэлэлцэж буй асуудлаар хуулийн заалт  сонсож болно

   Хэлэлцүүлэгээс оновчтой санал гарган шийдвэр гаргах түвшинд хүргүүлнэ.

          9. Газрын хэлэлцүүлэгээр цэцэрлэгийн байр баригдах газар, хүүхдийн тоглоомын талбайн газрыг иргэдэд сонсгон, Сумын хүүхдийн төлөө зөвлөл Хүүхдэд ээлтэй орон нутаг хөтөлбөрийн нээлтийн үйл ажиллагааг зохион байгуулсан. “Мини хурал” бүлэг ажиллаж байгаа.

           10. ЗДТГ-ын нийгмийн ажилтан, Сургуулийн нийгмийн ажилтнууд 9 жилийн сургуулийн сурагчидтай “Өөрийгөө илэрхийлэхүй” ярилцлага, хэлэлцүүлэг явуулж 28 хүүхэд хамрагдсан.