Базархүүгийн Цэрэндулам  1996-2000 оны ИТХ-ын дарга

    Базархүү овогтой Цэрэндулам нь  Завхан аймгийн Дөрвөлжин сумын нутагт төрсөн. 1967 онд УБ хотод эдийн засгийн дээд сургуулийг эдийн засагч  мэргэжлээр төгсч , 1967-1979 онд Дөрвөлжин сумын  “II- таван жил” нэгдэлд эдийн засагчаар , 1979-1992 онд Завхан аймгийн Ардын депутатуудын хурлын гүйцэтгэх захиргааны  төлөвлөгөөний  комисст  мэргэжилтэн, ахлах мэргэжилтэн, хэлтсийн даргын үүрэг гүйцэтгэгчээр, 1992-1996 онд Дөрвөлжин сумын засаг даргаар, 1996-2000 онд Дөрвөлжин сумын Иргэдийн төлөөлөгчдийн хурлын Тэргүүлэгчдийн даргаар, 2000 оноос мөн сумын засаг даргын орлогч, төрийн сангийн төлөөлөгчөөр  ажиллаж байсан. Б. Цэрэндулам нь  тус сумын Засаг дарга, ИТХ-ын даргаар ажиллаж байх хугацаандаа сумын эдийн засгийг хөгжүүлэх, малчид хөдөлмөрчдийн аж амьдралыг дээшлүүлж , төр засгийн шийдвэрийг орон нутагт сурталчилан хэрэгжүүлэх, сахилга хариуцлагыг өндөржүүлэх, гэмт хэргээс  урьдчилан сэргийлэх, сум орноо хөгжүүлэн тохижуулахад идэвхи санаачлагатай ажиллаж , Эрдэнэт УБ хотод нутгийн зөвлөлийг  санаачлан байгуулж, хоорондын харилцаатай холбоотой ажиллаж  улсад анх удаа Дөрвөлжин  суманд баруун аймгуудын “Морин эрдэнийн бат оршил” даншиг наадам, улс  байгуулагдсаны 70 жилийн ойг амжилттай  зохион байгуулсан юм.